Fréttir


Samkomulag sex stéttarfélaga vegna komandi kjarasamninga - Væntanleg viðhorfskönnun til félagsmanna STAMOS

12-12-2018

Samkomulag sex stéttarflélaga (SSS) vegna kjarasamninga hefur verið undirritað og munu félögin vinna saman að undirbúningi, samningagerð og eftirfylgd vegna komandi kjarasamninga. Stéttarfélögin vinna fyrir félagsmenn á opinberum vinnumarkaði en samstarfsfélögin eru; Foss stéttarfélag í almannaþjónustu, starfsmannafélögin í Garðabæ, Hafnarfirði, Kópavogi, Mosfellsbæ og Suðurnesjum. Samningar á almennum vinnumarkaði renna út um áramót en á þeim opinbera í lok mars á næsta ári.

Eitt fyrsta verkefni í samstarfi SSS er að leggja af stað með sameiginlega og vandaða viðhorfskönnun þar sem leitað verður  til félagsmanna,. Kallað er eftir kröfum og helstu áhersluatriðum vegna komandi kjarasamninga. Þá er upplýsinga leitað meðal annars um líðan í starfi, launakjör og vinnuumhverfi. Með viðhorfskönnuninni vilja stéttarfélögin fá fram skoðanir sinna félagsmanna til að geta starfað betur í þeirra þágu  og mun beiðni um þátttöku berist fljótlega með tölvupósti en einnig verður hægt að svara könuninni með snjallsíma.